Ofamili ya hulithile moshiponga shohauto
Ofamili yaantu yane ndjoka ya li mondjila okushuna kegumbo okuza kefumbiko ndyoka lya ningilwa koSouth Afrika, oya hulithile moshiponga shinyanyaleka shoka sha ningilwa muyimwe yomoondjila dhaNamibia ongula yOmaandaha.
Oshiponga shoka osha holoka ongula yOmaandaha oshinano shokilometa 50 pondje yaKahandja sho ofamili yaJansen ya li mondjila okushuna koGrootfontein.
Alex Jansen (56), omukulukadhi gwe Ragel Magrietta Jansen (53), okamonakadhona Aunora Jansen (12), nomukwanezimo, Elizabeth Snyder (59) ayehe oha hulithile moshiponga.
Ohauto yawo oyiidhenge omutse nomutse neloli mondjila yoB1 pokati kaKahandja naTjiwarongo lyopotundi 06:30.
Pahapu dhomupopiliko gwopolisi moshitopolwa shaTjozondjupa,
Warrant Officer Maureen Mbeha, omakonaakono gopetameko otaga ulike kutya ohauto yofamili ndjoka oya li kondjila ya puka pethimbo oshiponga sha holola. Ayehe mboka ya li mohauto oya hulithile pehala lyoshiponga.
Okwa lopotwa kutya ohauto yombaki ndjoka yali konima yohauto ndjoka inayi mona nkene oshiponga sha ningwa nomuhingi gweloli ina ehamekwa.
Mbeha okwa popi kutya oshipotha shoka osha ninghilwa pehala mpoka omuntu ita vulu okumona komeho ge nenge konima nonando omuhingi gweloli okwa kambadhala okuyanda oshiponga ina vula.
Mbeha okwa popi kutya aahingi inaya pitikwa okusineyela pomahala mpoka kaya weteko nawa na aluhe oya pumbwa okukala kombinga yolumoho lwondjila nonando mondjila kamu na we iiyenditho yimwe.
ELLANIE SMIT