Oshipotha shetende ko lyOshitopolwa shaKaprivi oshi li pokuthika pehulilo, konima sho Omupanguli mOmpangu yoPombanda Elton Hoff a gandja elombwelo kutya aatamanekwa 35 yomaatamanekwa 65 mboka taya tamanekelwa oshipotha shoka inaya monika ondjo.
Iiputudhilo yepangelo ngaashi Oshitaasi shOpolisi yaKatima Mulilo, Mpacha Military Base noNamibian Broadcasting Corporation oya ponokelwa momasiku 2 gaAguste mo-1999, onga oshitopolwa shoonkambadhala okutenda ko Kaprivi kuNamibia. Nonando ongaaka yatatu yomwaamboka 35 inaya monika ondjo, oya monika ondjo yokuya pondje Ompango yOmatembu. Mboka inaya monika ondjo miipotha ayihe oya mangululwa okuza modholongo.
Oya tsakanekwa kaakwanezimo yawo pondje yOndholongo Onene mOvenduka, mboka inaya mona muule woomvula 16 dha piti.
Aatamanekelwa ya thika po-20 oya hulithila modholongo konima nkene oshipotha shawo sha tameke.
43 oya mangululwa kiipotha mbyoka yali taya tamanekelwa mo-2013, sho ompangu inayi ya mona ondjo nekuthombinga lyawo moshipotha shoka.
“Ndika ethimbo ndyoka twa hepitha na itatu li mono wee. Oomvula 16 odha li oonde noonkondo na otadhi luluma okuhepitha,” Omunamimvo 49 Brighton Simisho Lielezo, gumwe gwomwaamboka ya mangululwa ta ti.
Sepiso Mabuku okwa popi kutya okwa nyanyukwa okumona hekulu pamwe namumwayinamati ya mangululwa kiipotha mbyoka.
“Uule woomvula 16 dha piti otwa kala owala nokumonena tatekulu momakende gondholongo. Otwa nyanyukwa sho esiku ndika lya thikana,” Mabuku ta ti.
Okwa tokolwa kutya oshipotha shoka tashi pula komeho uule woomvula 16 monena osha undulilwa kuKotomba.
Ya monika ondjo
Aatamanekwa mboka ya monika ondjo moshipotha shonkambadhala yokutenda ko Kaprivi kuNamibia, omadhipago noonkambadhala dhomadhipago oyo: Bollen Mwilima Mwilima, Alfred Lupalezi, Charles Nyambe Mainga, Mathews Muyandula Sasele, Bernard Maungolo Jojo, Victor Masiye Matengu, Alfred tawana Matengu, Mathews Munali Pangula, Richard Simataa Mundia, Geoffrey Kupuzo Mwilima, Adour Mutalife Chika, Kingsley Mwiya Musheba, Rodwell Sihela Mwanabwe, Kester Silemu Kambunga, Fabian Thomas Simiyasa, Albert Sakena Mangilazi, Osbert Mwenyi Likanyi, Richard Libano Misuha, Moses Chicho Kayoka, Bennet Kacenze Mutuso, Charles Mafenyeho Mushakwa, Rapahel Lyazwila Lifumbela, Sikunda John Samboma, Aggrey Kayaba Makendano, Thadeus Siyoka Ndala, Martin Siano Tabaundule, Chris Puisano Ntaba, Postrick Mowa Mwinga, Ndala Saviour Tatlife naJohn Panse Lubilo. Epangelo olya gandja uumbangi kutya oya kutha ombinga moonkambadhala dhokutenda ko oshitopolwa shoka kuNamibia pokati ko-1992 no-2002.
Ya dhipagwa
Aantu yahetatu oya dhipagwa pethimbo lyiiponokelwa yopaukulo mbyoka ya ningwa. Aalumentu ya thika po-30 oya, monika woo ondjo miipotha 73 yonkambadhala yedhipago. Oombangi dhepangelo moshipotha shoka odha holola kutya, Mishake Muyongo, omupresidende nomutotipo gwongundu yoUnited Democratic Party (UDP), okwa lundulula ongundu ye nokuyininga oshiyenditho shoonkambadhla dhokukuthako oCaprivi kuNamibia okupitila mongundu yuukulo tayi ithanwa Caprivi Liberation Army (CLA).
Ya mangululwa
Aatamanekwa mboka inaya monika ondjo miipotha yuukulo, omadhipago nonkambadhala yomadhipago:
Leonard Mutonga Ntelamo, Kambende Victor Makando, Norman Christopher John Justus, Muketwa Eustace Sizuka, Gerson Luka Luka, Robert Lifasi Chelezo, Richard Limbo Mukawa, Eugene Milunga Ngalaule, Mwilima Gabriel Mwilima, Jimmy James Mtemwa Liswaniso, George Kasanga, Mashazi Allen Sameja, Richwell Mbala Mayemo, Gabriel Nyambe Ntelamo, Oscar Kashalula Muyuka Puteho, Martin Sabo Chainda, Ignatius Nawa Twabushalila, Patrick Itwa Likando, Bernard Mucheka, Tiiso Ernst Mayando, John Samati Yalubbi, Oscar Nyambe Puteho, Francis Buitiko Pangala, Sylvester Lusiku Ngalaule, George Masialeti Liseho, Austen Lemuha Ziezo, Andreas Puo Mulupa, Joseph Kamwi Kamwi, Herbert Mboozi Mutahane, Roster Mushe Lukato, Davis Chioma Mazyu, Brighton Simisho Lielezo, Rex Lumponjani Kapanga, Brandon Luyanda Luyanda naFrans Muhupolo. George Kasanga naOscar Kashalula Muyuka Puteho oya monika ondjo moshipotha sheyopondje Ompango yOmatembu sho ya yi pondje yoshilongo shaali paveta omanga George Masialeti Liseho a monika ondjo yokuya moshilongo shaali paveta.
FRED GOEIEMAN & GORDON JOSEPH