Oshikuku Roman Catholic Mission oya kanitha oshimaliwa sha thika pooN$140 000 sho sesitela a yekwa oshimaliwa shoka koongangala mOlyomakaya.
Omusita Amushembe Erasmus okwa popi kutya sesitela ngoka okwa li a yi kombaanga opo a kanane oshimaliwa shokulongithwa sho aalumentu yatatu yemu yeke oshimaliwa shoka komeho gongeleka . Okwa popi kutya oya pandula sho omukiintu ngoka ina ehemekwa.
Erasmus okwa popi kutya sesitela ngoka okwa dhimbulula aaponokeli ye konima aniwa sho e ya mono mombaanga mOshakati.
“Gumwe gwomaalumentu aniwa okwali mombaanga sho a nana iimaliwa otashi vulika ya kala yemu landula.” Erasmus okwa popi kutya sesitela ngoka ina kwatwa komalimbililo gasha sho a mono ishewe omulumentu ngoka mostola omanga ina kwata otaxi okushuna kongeleka.
Sho omukiintu ngoka atulwa posheelo shongeleka, aalumentu mboka oya nhuka mohauto yimwe nokumuyeka ondjato ye.
“Oye mu yekele ondjato ye komeho gongeleka. Okwa kugu ihe oya yi ontuku nondjato niimaliwa. Okuli nawa.
Otwayi naye opo oakaunda yi ka patwe molwaashoka mondjato omuna oombapila dhina omauyelele goakaunda.
Erasmus okwa hokolola kutya oshiningwanima shoka oshiwinayi molwaashoka oosesitela oye wete ka yeli megameno ngashiingeyi.
GORDON JOSEPH
Category: