Brunhilde Cornelius, ngoka eli kansela gwongundu yoRally for Democracy and Progress (RDP,) okwa popi kutya elanditho lyooplota patendela moKhomasdal noWanaheda otali ningwa omalupita nonando oshinima shoka osha indikwa.
Oshiyetwapo komeho gomutumba gwelelo lyoshilando shaVenduka opo ku hulithwe po egandjo lyomahala gamwepo momudhingoloko gwaKhomasdal naWanahenda pamukalo gwootendela osha tindwa kookansela unene yongundu tayi pangele noshikumungu shoka oshuundulilwa momake gelelo lyondoolopa.
Oopolota inadhi wapalekwa dha thika puhamano dhomahala gomagumbo dhuunene woosquare metres dhili pokati ko 1 695 no 64 191 dhongushu yoomiliyona 90 adhihe kumwe odha pewa ehangano lyoMarnel Property Projects CC and ID Building Contractors CC last year.
Nonando ongaaka omahangano ngoka oga ndopa okufutila omahala gawo ngoka muule womasiku 90.
Oshiyetwapo shoka osha tulwa poshitaafula momutumba gwookansela dhoshilando Brunhilde Cornelius (Rally for Democracy and Progress) na okwa yambidhihdwa koonasela yalwe Ignatius Semba (DTA) na Joseph Kauandenge (NUDO).
Cornelius okwa popi kutya uumwene wehala ndyoka owa pu ongushu momasiku 18 gaAguste 2015 sho ooyene ya ndopa okufuta muule womasiku ngoka ga tulwa po ihe nonando ongaaka elelo olya pula komeho nokugandja oplota ndjoka.
Momasiku 14 gaSepetemba okwa tokolwa kutya otendela ndjoka nayi kuthwe oonkondo ihe mo 25 gaSepetemba oshikumungu shoka osha galuka ishewe sho oshikondo shekondololo lyomahala melelo lyoshilando shoka lya gandja ehala ndyoka ko Marnel Property Projects and ID Building Contractors nonando otendela ndjoka oya li ya kuthwa oonkondo.
Kansela okwa pula opo omukalo ngoka gu hulithwepo yo otendela ndjoka yi kuthwe oonkondo molwaashoka oya li nale ya hulu omolwa endopo lyoonakupewa oplota ndjoka ihe ngashiingeyi oya pewululwa ishewe oplota.
Cornelius okwa popi kutya okwa hala ngoka ta longo pehala lyOmunambelewa Omukuluntu melelo lyoshilando opo a shange ombaapila ta gandja omatompelo kutya omolwashike oshikumungu shoka sha ka kundathanwa ishewe muNovemba.
Okwa hala woo ku ningwe omakonaakono ngele egandjo lyotendela dhoka odha ningwa tuu pamulandu gwOveta yOmalelo gOondoolopa.
Omayamukulo koshikumungu shoka okwa tegelelwa ga ka gandjwe momutumba gwelelo muApril.
CATHERINE SASMAN
