Omukwatakanithi gwoDTA oshowo Kansela mEleleo lyOndoolopa yaShakati, Linus Tobias okwa popi kutya omuti ngoka gwa kala nokulongithwa kongundu yawo mokuninga iigongi yawo ogwa tetwa po onga omahwahwameko gopolotika na itagu gandja uutile woshiponga koongodhi dholusheno ngaashi ehangano lyolusheno tali popi.
Okwa popi kutya okwa ningile omutumba megumbo lye Olyomakaya ga piti molwaashoka omuti ngoka yali haya longithwa guli pondje yegumbo lye mOshakati West ogwa tetwa po kehangano lyOshakati Premier Electric (OPE) momasiku 25 gaFebruali.
Tobias okwa popi kutya ina popiwa naye naasho a galuka kiilonga esiku ndyoka omukwanezimo gwe okwe mu lombwele kutya omuti ogwa tetwa po.
Okwa popi kutya kape na ngoka e mu pe omatompelo ga yela kutya omolwashike omuti gwe gwa tetwa po.
Okwa popi kutya omuti ngoka ogwa kala po uule woomvula 15 ngashiingeyi nelelo lyondoolopa olwa kala owala nokugu teta iitayi yimwe po.
“Aantu yandje oyali ya kumwa noonkondo sho yeya koshigongi ihe omuti ogwa tetwa po, oya tameke taya pulandje omapulo ngoka ngame itandi vulu okuyamukula.”
“Ondi shi shi kutya itaya vulu okugalula omuti gwandje,
ngame inandi hala okufutwa ihe onda hala ya ningilendje omuzile tagu vulu okukala naantu ya thika po-30.”
Omunambelewa omukuluntu gwoOPE, Nelson Sheya okwa popi kutya omuti ngoka ogwa nika oshiponga ngetashiya koongodhi dholusheno unene pethimbo lyomvula.
Sheya okwa popi kutya oya yelithilaTobias kombinga yonkalo ndjoka nuumwene yomuti itawu vulu okupatathanwa molwaashoka kaguli meni lyohofa ye.
“Egameno olyo hali ya tango kutse,” Sheya ta ti.
KENYA KAMBOWE
Category: