Aatseyinawa oya popi kutya ompumbwe yokutunga opaliamende ompe nonene koshimaliwa shoobiliyona 2, itayi vulu okupatanekwa nonando okwa ningwa omaindilo koongundu dhilwe dhopolotika megumbo lyopashigwana oshowo kiilyo yilwe yoSwapo kutya epangelo nali hulithepo oompangela dhokutunga etungo epe nopehala nali nenepeke owala ndyoka li lipo nale.
Pahapu dhomuthaneki gwomatungo, Claude Bosch, etamununo lyomatungo ndyoka itali vulu okuninga molwaashoka ompangela yetungo ndyoka lya za mo-1902 itali tsu kumwe noompangela dhopashinanena.
Bosch, ngoka e na oshinakugwanithwa shokukonaakona ompangela yetungo ndyoka okwa popi kutya ondando yetungo otashi vulika yilonde pombanda ngele opoloyeka oya kala nokuundulilwa komeho.
“Owushi kutya ondando yomatungo ohayi londo pombanda noonkondo. Monena otwa gumwa kondjele yepingakanitho lyiimaliwa yetu naSouth Afrika oshowo ya Europa niinima oyindji ohayi talika ngaashi iikwamalusheno mbyoka tayi ningi ondilo.”
Bosch okwa popi kutya ompangela yepangelo okutula mumwe omagumbo gomitumba dhopashigwana otashi etitha pevi ondando unene sho okefe yiikulya nongulumambo inayi kwatelwamo.
“Otwa tegelelwa omutengenekwathaneko gwopashimaliwa. Uuna omuyalu gwomutengenekwa gwa tseyika nena otatu vulu okuninga oplana kombinga yiinima mbyoka tayi ka pumbiwa. Epangelo inali hala okuninga etungo ndyoka opoloyeka molwaashoka kali na iimaliwa yokulundululila etungo mopoloyeka,” Bosch ta ti.
Omukonaakoni gwopolotika, Hoze Riruako okwa popi kutya etungo epe otali ka kala ekwatho nokupitika epangelo li mone iiyemo okuza miinyangadhalwa yilwe tayi tulwa metungo ndyoka.
“Otashi keeta omagumbo ngoka gopaali pamwe nokutala komuyalu gwaanapaliamende , etungo epe olya pumbiwa.”
Mboka yeli ompinge netungo ndyoka otaya popi kutya iimaliwa mboka tayi longithwa mokutunga etungo nayi longithwe mokuyambulapo onkalo yaakwashigwana.
Omupresidende gwoDTA McHenry Venaani oshiwike sha piti okwa pula opo ku talwe kiinima yilwe mbyoka tayi vulu okulongithwa a gandja oshiholelwa shomagumbo gomitumba dhopashigwana moUnited Kingdom.
Okwa ti, aatotiveta otaya kondjitha owala etungo epe molwaashoka oye shi kutya aatungi otaya ka monakosha.
“Otatu kondjitha etungo ndyoka molwaashoka otu na nale oompangela dhaamboka taya ka pewa ootendela.”
Ominista yEtalululo lyEvi, Utoni Nujoma okwa popi kutya otashi ka pula oshimaliwa oshindji okunenepeka etungo ndyoka na okwa popi kutya olundji ohashi kala shi na ombiliha okuhanagulapo omatungo omakulu nokutunga ngoka omape.
JEMIMA BEUKES
Category: