Shoka osha landula sho Omupresidende gwOngundu All People’s Party, Ignatius Shixwameni, apula omupopi megumbo lyopashigwana Loide Kasingo opo a yelithe kutya omolwashike oonkundathana kombinga yomutengenekwathaneko gwopashimaliwa gwepangelo inagu kundathana momutumba gwopashigwana.
Sho Attorney General Sacky Shangala, a kambadhala okwiidhopamo, Shixwameni okwe mu lombwele a mwene ihe lwahugunina okwa gandja ombili.
Pahapu dhe ongundu tayi pangele otayi kambadhala okulila oshigwana sho oonkundathana dhomutengenekwathaneko gwopashimaliwa dhombelewa yomupresidende nomupilima minister ihe odhatamekwa nuuministeli woPublic Enterprise nombelewa Attorney Generals.
Shixwameni okwa popi kutya omulandu gwoonkundathana dhoka ogwa kala ngaaka uule woomvula 26 na okwa yiwa moshipala kuJerry Ekandjo ngoka a popi kutya ongundu tayi pangele otayi vulu okutokola shoka oshiwanawa.
Mbumba okwa poi kutya shoka tashi ningwa moSouth Afrika inatu shi hala noohapu dhe osha kolekwa kOmupevi Minista yOmauyelele, Stanley Simaata.
Pahapu dhOmupresidende Swanu of Namibia, Usutuaije Maamberua, oshi li omupya omunene kutya ongundu tayi pangele otayi vulu okuninga kehe shoka ya hala.
Oshilyo shoDTA Vikuapuje Muharukua okwa popi kutya itashi taambiwa ko uuna iilyo yokabinete tayi popi owala shoka ya hala nenge tayi yi moshipala omilandu.
Pahapu dhOmuprima Saara Kuugongelwa-Amadhila okwa popi kutya kape na ompango ndjoka tayi utha kutya oonkundathana dhomutengenekwathaneko gwopashimaliwa nadhi kundathanwe ngiini ngaashi sha kala nokuninga uule womimvo adhihe dhoka dha piti.
“Kandi uvite ko kutya omolwashike nuumvo taku pulwa omayelitho ihe otashi shi tambulako kutya iilyo oya pumbwa etseyithilo kuyele.”
JEMIMA BEUKES