Oshiponga shoka sha ningilwa ongulohi yEtiyali mondjila yaNdangwa-Ongwediva osha faalele oomwenyo dhaamwayinagona yaali mboka ya li taya longele ehangano lyomomudhingoloko.
Mboka yaali oyali mohauto yombaki yoToyota ndjoka yiidhenge meloli enene momukunda Ohakweenyanga. Ombaki oyali tayi zi kombinga yokOngwediva sho ololi ndjoka yali tayi zi kombinga onkwawo ya tanauka inashi tegelelwa.
Kwiikwatelwa komupopiliko gwopolisi Frieda Shikole, oonakukala mombaki ndjoka oya dhimbululwa kutya omunamimvo 29 Mbwale Patrick oshowo omunamimvo 31 Nicodemus Elago, mboka ya hulithile pehala lyoshiponga nomalutu gawo oga hanagulwa po itaga vulu okudhimbululwa sho ohauto moka yali ya yi kohi yeloli.
Aamwayinagona mboka yaali oyali haya longele ehangano lyedhina Two Pages Trading.
Omuhingi gwelelo okwa hupu moshiponga na ina ehamekwa.
Aakwanezimo yoonakusa oya tseyithilwa nopolisi yaNgwediva oya patulula oshipotha shedhipago lyaashi lyoshiningilawina.
PLACIDO HILUKILWA