Mayola nale gwoshilando shaVenduka, Agnes Kafula okwa popi kutya okatendo hoka taka utha opo ookansela ya kale ye shi okulesha nokushanga elaka lyOshiingilisa otaka patele pondje Aanamibia yalwe mboka yahala okukutha ombinga medhigathano lyuuleli
mboka.
Okatendo hoka oke li mOmpango yOmalelo gOondoolopa nIitopolwa ndjoka ya
talululwa.
Okatendo hoka otaka utha kutya omunapolotika ngoka ke na ontseyo yokushanga nolukesha elaka lyopambelewa moNamibia ita pitikwa okukutha ombinga medhigathano yomahogololo.
Kafula oku wete kutya omangambeko omahwepo ogali ga pumbwa okutulwa miilonga pehala lyengambeko
ndyoka.
Kafula okwa holola kutya andola napu kale owala oongamba kutya oonakukutha ombinga naya kale ye na ontseyo yiinakugwanithwa niilonga yaaleli yoondoolopa niitopolwa, ihe inashi pumbiwa ya kale aatseyinawa unene momalelo giikondo
mbyoka.
“Na ya kale ye na ontseyo yomilandu niinakugwanithwa yuundemokoli momalelo
ngoka.
Ye na ontseyo yelelo lyoshigwana niiyemo, yo naya kale taya vulu woo okuhwahwameko omayambulepo.”
Kafula okwa gwedha po kutya ookansela pondondo ndjoka naya kale woo taya vulu okundjandjukununa omilandu noompango dhomalelo goondoolopa niitopolwa kwa gwedha ontseyo neuveko lyiipambele yoshigwana, omakwatathano yo taya vulu okukala aaningi matokolo.
Oshipumbiwa shimwe neuveko lyiikumungu yi na ekwatathano nuulingilingi megandjo lyomayakulo koshigwana.
“Inaku talika unene kutya aantu mboka naya kale owala yeshi okulesha nokupopya elaka lyopambelewa molwaashoka otatu patele aantu yamwe pondje, natu taleni owala kiipumbiwa yimwe mbyoka.”
ELVIS MURARANGANDA
Category: