Ehangano lyoNamax Pharmaceuticals olya gandja omagano guututsa wombuto yoHIV wa thika po-10 000 kOshikondo shUundjolowele.
Kuyele omvula tuli oshikondo osha tseyitha kutya osha taalela ompumbwe yuututsa mboka, naamboka wuli moompngulilo owa nuninwa owala onkalo yopaulumomhumbwe naakiintu mboka yeli momategelelo.
Namax Pharmaceuticals, ehangano lyomoNamibia ndyoka - lya totwa po mo-2014 olya gandja omagano guututsa mboka wongushu yoshimaliwa shooN$200 000 .
Xiangyu Ying, ngoka eli omukomeho gwehangano ndyoka okwa popi kutya uututsa mboka owa ziminwa kehangano lyUundjolowele mUuyuni, na ohawu kutha owala uule woominute o-30 opo wuu like oshizeko shomakonaakono.
“Uututsa mboka ohawu longo noHIV-1 oshowo HIV-2 nomikalo dhokuwu longitha odha faathana.”
Omupevi minista gwUundjolowele Juliet Kavetuna okwa popi kutya uuministeli otawu ka gandja omayakulo gomakonaakono gombuto yoHIV oshali momandiki guundjolwele ga yooloka moshilongo.
GARWIN BEUKES