Oshilongo ashihe osha kala shaahena olusheno uule woowili dhontumba sho ehangano lyoNamPower lya kala lyiipyakidhila nokukandulapo uupyakadhi mboka wa holoka moRuacana hydropower plant.
Sho AaNamibia ya kwatwa kuumbanda kutya otashi vulika oshilongo shaadhika kompumbwe yolusheno, okwa holoka omapopyo inaaga kolekwa kutya South Afrika okwa teteko olusheno lwe ndoka ha gandja kuNamibia omolwa oongunga dholusheno dhi ninwe koshilongo shaandjetu.
Sho osha etitha Aanamibia ya ninge omashendjo omolwa etalelepo lyomupresidende gwaSoutha Afrika moNamibia.
Uupyakadhi mboka owa holoka sho uuturbine wuli une wa patululwa konima sho South Afrika a shunitha pevi ondjele yoonkondo dholusheno ndjoka he tupe okuya pooMV 123.3.
Namibia okuna oongodhi mbali dholusheno okuza kuSouth Afrika ano ongodhi yoo400kV noo 220KV. Ndjoka yoo400kV oya li ya dhimwa sho taku longwa na okwa kala owala ndjoka yoo 220kV.
Uuyelele mboka wa pewa oshikundanekifo shoNamibian Sun, owa popi kutya ehangano lyokuyandjakaneka olusheno olya kala lyiipyakidhila nokukandulapo uupyakadhi mboka shoka sha kutha uule woowili ndatu sigo one niilonga mbyoka aniwa oya ningwa pethimbo mpoka ondjele yekunguluko lyomeya momulonga gwaKunene yili pombanda unene sha etitha olusheno li kale tali guko nonando iilonga mbyoka oyali yina okuningwa pethimbo mpoka andola omeya taga ende kashona.
Olopota oya tsikile kutya oopresenda 50 dhoshilongo odha kala nale nolusheno okuya momutenya gwohela.
NamPower ina gandja olopota yasha pethimbo onkundana ndjika ya nyanyangidhwa nomapulo ngoka guukithwa kehangano ndyoka inaga yamukulwa.
ELLANIE SMIT
Category: