Iiyemo yonyama ndjoka ya landithwa pondje yoshilongo kuMeatco moshikako shomvula yo2015/16 oyili poobiliyona 1.28.
Uuyelele mboka owa pitithwa komukanda gwaMeatco ngoka gwa holola esimano lyuunafaalama oshowo elongo lyonyama keliko lyaNamibia.
Meatco okwa popi kutya uunafaalama otawu gandja iiyemo kaanafaalama uuna taya landitha po iimuna yawo kuutomeno noku yambulapo iiyemo mbyoka tayi ya moshilongo okuza momalanditho gopondje yoshilongo ngaashi momalanditho gaEurope.
Paku yambidhidha eliko, oshikondo shelanditho lyonyama itashi gandja owala omauwanawa kaaniimuna nokutotapo oompito dhiilonga, ihe otashi kwathele woo iipitudhilo yilwe ngaashi Meatco oshowo aakuthimbinga yalwe.
Momukoko gwomvula ya piti, Meatco okwa gwedhele ondando noo N$0.15 melanditho lyokg yimwe okuyelekanitha nomumvo gwa piti.
Ondando yaaniimuna momumvo gwa piti oyali ooN$29.98 mokg okuyeleka nooN$29.83 mokg momvula 2014/15.
Shoka osha etitha aaniimuna ya futwe oshimaliwa sha thika pomiliyona 849 niimaliwa mbyoka oya kalela po oopresenda 62.35 dhiiyemo mbyoka ya monika melanditho lyoonyama.
Meatco okwa tsikile kutya omalanditho gopondje yoshilongo miilongo ngaashi yaEuropa, Norway naUnited Kingdom, oga e ta po iiyemo yoopresenda 75 okuza melanditho lyonyama. Oopresenda kadhi vulithe po-10 dhonyama yehangano ndyoka ohadhi landithwa moshilongo.
Shoka otashi ulike kutya ehangano ohali longo onyama oyindji noonkondo itayi vulu okulandwa po ayihe moshilongo.
Ehangano olya holola kutya ongushu yomalanditho gopondje yoshilongo oya londa pombanda noopresenda 29.9 omanga elanditho lya londo pombanda noopresenda 8.5.
Omalanditho gomiilongo ngaashi Eu, Norway naUK oga londo pombanda noopresenda 74.07 okuyeleka nomalanditho gomoshilongo ngoka ga londo pombanda noopresenda 9.91.
Norway okuli omalanditho gopombanda ngetashiya kelanditho lyonyama okuza moNamibia naNamibia okwa li a pewa ootona dhokufala onyama momalanditho goshilongo shoka sha thika po-1 200.
ELLANIE SMIT