Aanambelewa yomutumba gwopashigwana oya pata omilungu dhawo mEtitano konima sho ya pulwa kombinga yomukandanyenyeto ngoka gwa gandjwa koAR pethimbo ehwahwameko ndyoka lya ningi ehololomadhilaadhilo enene lili ompinge netungo lyoPaliamende ompe.
Omukanda nyenyeto ngoka ogwa pewa omupopi moPaliamende Peter Katjavivi.
Olyomakaya ya piti, okwa gwanithwa omwedhi gumwe konima sho eholololomadhilaadhilo ndyoka lya ningwa, naatotiveta oya li ya pewa omwedhi gumwe opo ya yamukule komanyenyeto ngoka ga ningwa.
Katjavivi okwa ukitha omapulaapulo agehe ge na sha nomayamukulo moshikumungu shoka kwaangoka ta longo pehala lyamushanga gwoNational Assembly Findley Harker.
Harker okwa yelitha kutya Okomitiye yoPaliamende kIikwaveta oya gandja omagwedhelepo kokomitiye yomilandu omanga una ukitha oNamibian Sun to komukomeho gwokomitiye.
Omukomeho gwokomitiye naye okwa tindi oku yamukula nokugandja omagwedhelepo, ta ti haye omupopiliko. Nonando ongaaka shimwe shomiikundnaeki yomoshilongo osha lopota kutya okomitiye yopaliamende otayi yambidhidha oompangela dhokutunga opaliamende ompe.
Dimbulukeni Nauyoma gwoAR okwa popi kutya inaya mona omayamukulo okuza kepangelo, ihe okwa kunkilile kutya opaliamende ompe itayi tungwa.
GORDON JOSEPH